Иннополиста янгын чыккан

Иннополиста төзелеп килүче яңа бинада янгын чыгу турындагы хәбәр бүген иртән 9:21 сәгатьтә килеп ирешкән.

Әлеге урынга Югары Ослан районының янгын-коткару гарнизоны көчләре килгән. Ачыкланганча, янгын төзелеп бетмәгән 6 катлы йортның подвалында чыккан. 

Подвалда солярка саклануы мәгълүм. Йорт түбәсендә исә эшчеләр эшли. Аларны коткару өчен Иннополиска махсус баскыч җибәрелгән.

Фото: pixabay.com