Троллейбус пассажиры кондукторга пычак белән кадаган

Казанда исерек ир юл өчен түләргә теләмичә, кондукторны пычак белән яралаган, дип хәбәр итте РФ Тикшерү комитетының Татарстан буенча Тикшерү комитеты.
Кайбер Telegram-каналларда вакыйга урыныннан видеоязма да чыккан. Кадрлардан күренгәнчә, бер ир-ат һөҗүм итүчене тотып тора, икенчесе "ашыгыч ярдәм" чакырта. Бу вакытта яралы кондуктор ярдәм итүләрен сорый, идәндә кан эзләре күренә.

Тикшерүчеләр мәгълүматлары буенча, вакыйга 24 апрель кичендә Казанның Адоратский шәһәре урамындагы йорт янындагы 1 нче троллейбус салонында булган. "Исерек хәлдәге 24 яшьлек пассажир 27 яшьлек кондукторга пычак белән кадый. Ир-ат ашыгыч рәвештә хастаханәгә озатылган, биредә аңа квалификацияле медицина ярдәме күрсәтелгән. Беренчел мәгълүматлар буенча, низагның төп сәбәбе-пассажирның юл өчен түләргә теләмәве", - диелә.

Соңгы мәгьлүматларга караганда, конңдукторга операция ясалган. Аның хәле тотрыклы, дип хәбәр итә "Метроэлектротранс" МУП.