“Истанбул” шигъри кичәгә чакыра

Әдәбият елына һәм республика көненә багышланган чарада депутатлар, зур предприятие һәм оешма җитәкчеләре яраткан авторларының шигырьләрен укыячак. Бәйрәм программасында китап күргәзмәләре, танылган шагыйрь-язучыларның чыгышлары, рәсем конкурслары, викториналар да үткәрү каралган. Истанбул булгач, баллы тәм-томнарсыз да булмый. Бәйрәм атмосферасын көнчыгыш тәм-томнары, кондитерлык эшләнмәләреннән торган күргәзмә-сату эше тулыландырачак.