"Казан егетләре" төркемендә зур яңалык!

“Казан егетләре” солисты Айдар Әгъләмовка “Татарстанның атказанган артисты” дигән мактаулы исем бирелде. Дәрәҗәле исемне ТР Президенты Рөстәм Миңнеханов үзе тапшырды.

“Миңа шундый зур бәя биргәнегез өчен бик зур рәхмәт сезгә. Татарстан мәдәниятенә, сәнгатенә ярдәмегез бик зур. Сезгә истәлеккә “Сиңа Татарстаным” дип аталган җыентыгыбызны бүләк итәм. Анда Татарстанның 43 районына һәм 2 шәһәренә багышланган җырлар тупланган”, - дип Айдар Рөстәм Миңнехановка җыентык бүләк итте.

Айдарны чын күңелдән котлыйбыз!