Казанда Җиңү көненә багышланган «Ветеран йорты янында парад» акциясе уза

Парад Дубравная урамы, Совет мәйданы, Җиңү Паркы, шулай ук Колахметов урамы аша узачак.
 8 май көнне Казанда тарихи хәрби техника белән ветераннарны котлап йөриячәкләр. Бәйрәм шәһәрнең барлык районнарын да диярлек узачак. Алар шәһәрнең төрле якларында яшәүче ветераннар янында тукталачак.

Хәрби-тарихи техника колоннасы танк училищесы яныннан иртәнге 8.30 сәгатьтә старт алды. Шәһәрлеләр ИС-3 һәм Т-34 танклары белән тралларны, ЗИС йөк машинасын һәм атаклы «Катюша»ны күрә алачак. Колоннада шулай ук Казан авторетроклубыннан автомобильләр узачак.

12.20 сәгатьтә колонна танк училищесына кире кайтачак.