#Кыскача яңалыклар 20 апреля 2021, 11:35

Казанда ир-ат полицейскийга һөҗүм иткән

20 апреля 2021, 11:35

Казанда талау турындагы хәбәр буенча чакыруга килгән полицейскийга пыяла шешә белән суккан ир-ат тоткарланган.

Скопировать ссылку

17 апрельдә төнлә Эчке эшләр министрлыгының дежур бүлегенә талау турындагы гариза белән 43 яшьлек казанлы мөрәҗәгать иткән. Җинаять урынына килгән ППС хезмәткәрләре ике ир-атның зыян күрүчене кыйнавын һәм аннан 5 мең сум алуын ачыклаган.

"Тәртип сакчыларына карата шикләнелүчеләр шулай ук үзләрен агрессив тоткан, берничә тапкыр кисәтүләргә карамастан, сүгенү сүзләре белән җавап кайтарганнар. Өстәвенә, ир-атларның берсе көтмәгәндә полиция хезмәткәренең башына пыяла шешә белән суккан", - дип сөйләде безгә Россия Эчке эшләр министрлыгының Казан буенча идарәсе матбугат хезмәте җитәкчесе Рафаэль Сәгьдиев.- Шуннан соң һөҗүм итүчене богаулаганнар".

Хокук бозучылар Казанда яшәүче 36 һәм 41 яшьлек ир-ат булган. Җәнҗал куптаруда катнашы булганнарның берсен Мәскәү район суды 5 тәүлеккә кулга алган, икенчесе - Административ хокук бозулар турындагы кодексның 20.1 маддәсе буенча 1 мең сумга штрафка тартылган ("Хакимият вәкиленең законлы таләбенә буйсынмау белән бәйле вак хулиганлык").
Полицейскийга карата көч куллану факты буенча материаллар тикшерү комитетына тапшырылган.

#полиция #ППС