Казанда велосипедта баручы кызга пычак белән ташланган маньякны эзлиләр

Әлеге хәл Карбышев урамы, 12 йорт янында булган иде. 20 яшьлек кыз Танк боҗрасы янында барганда таныш булмаган ир-ат, аңа ташланып, пычак белән берничә җирдән җәрәхәт ясаган һәм качкан иде.

Әлеге факт буенча җинаять эше ачылды һәм маньякны эзләү дәвам итә. Кыз җинаятьчене күреп калырга өлгергән, аның күрсәтмәләре буенча ир кешенең 25-30 яшьләр тирәсендә, 180 см озынлыкта, ачык коңгырт чәчле һәм күзлекле булуы билгеле.

Әлеге җинаятьне ачуда ярдәм итәргә теләүчеләргә "Горки" полиция бүлегенә 2914-949 һәм 2914-902 номерларына, яки 02,052 номерларына аноним шалтыратырга мөмкин.