#Кыскача яңалыклар 25 июня 2018, 14:12

Казанда яшәүче 270 күпбалалы гаиләгә бушлай җир кишәрлеге бирелә

25 июня 2018, 14:12

Быел Казанда яшәүче 270 күп балалы гаилә бушлай җир кишәрлеге алырга теләк белдергән.

Скопировать ссылку

Быел Казанда яшәүче 270 күп балалы гаилә бушлай җир кишәрлеге алырга теләк белдергән.

Җир һәм милек мөнәсәбәтләре комитеты рәисе Ренат Галәветдинов мэриядә узган эшлекле дүшәмбе киңәшмәсендә шул хакта хәбәр итте, дип язап Татар-информ.

Күп балалы гаиләләр Зур Дәрвишләр бистәсе янында кишәрлекләр алган. Әлеге җирләрне ызанлау эшләре 2017 елның ноябрендә төгәлләнгән.

1300гә якын гаилә – узган елның октябреннән, ә 4800 күп балалы гаилә программа гамәлдә булган 6 ел дәвамында кишәрлекләр сайлаган. Шушы вакыт эчендә 2850 участокта милеккә хокук теркәлгән.

Программа ел ахырына кадәр гамәлдә булачак. Шушы вакыт эчендә Казанда яшәүче тагын 2420 гаилә бушлай җир кишәрлекләре сайлый алачак.

Казанда күпбалалы гаиләләргә бушлай җир кишәрлекләре бирү программасы 2012 елдан гамәлгә ашырыла. Ул чагында бушлай җиргә дәгъва кылучы гаиләләр 1160 булса, хәзер аларның саны 10 тапкыр диярлек арткан.

Ренат Галәветдинов сүзләренә караганда, Казанда 230га якын күп балалы гаилә бушлай җирдән баш тарткан. Моның төп сәбәбе - җир кишәрлеге урнашкан урынның ошамавы.

Кызыклы яңалыкларны күзәтеп бару өчен Телеграм-каналга кушылыгыз.