Казандагы 42 метрлы иң зур Яңа ел чыршысы Ярминкә мәйданында урнаштырыла
Казанның төп чыршысы Үзәк стадион янында Ярминкә мәйданында куелачак. Бу хакта "Татар-информ" агентлыгына Казан мэриясе матбугат хезмәтендә хәбәр иткәннәр.
Казанның төп чыршысы Үзәк стадион янында Ярминкә мәйданында куелачак. Бу хакта "Татар-информ" агентлыгына Казан мэриясе матбугат хезмәтендә хәбәр иткәннәр.
Аның озынлыгы "Кристалл" очы белән исәпләгәндә 42 метрны тәшкил итәчәк, ә бизелешенә традицион "Шар", "Йолдыз" һәм "Кристалл"дан тыш, шулай ук энергия саклаучы динамик гирляндалар кулланылачак.
"Шәһәр урамнары Яңа елны узган елны кебек утлы консольләр һәм утлы динамик корылмалар белән каршы алачак. Алар Ирек мәйданында, Николай Ершов һәм Гвардия урамнары киселешендә, Үзәк мәдәният һәм ял итү паркында, Иске Татар бистәсендә урнаштырылачак", - дип Казан хакимиятендә шәрехләделәр.
Шулай ук, "Иске татар бистәсе үсеше һәм Кабан күлен төзекләндерү" фонды попечительләр советы утырышы беркетмәсе нигезендә Яңа ел каникулларында Г.Камал театры каршында кышкы печән базары - "татар андеграунды" белән оештырылачак.
Сүз уңаеннан, шул ук утырышта Иске Татар бистәсендә, Кабан күле ярында, Татар утарында булган барлык вакыйгалы чаралардан шәрехләүләр белән бергә фото-видео-хисап алып барырга карар кылынды. Алга таба алар фотоальбомда дөнья күрәчәк.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар