Казанга аюлар килә

Спортның су төрләре буенча чемпионат ачылышы алдыннан Казанда «The Minis United Buddy Bears» халыкара иҗади күргәзмә эшли башлаячак. Экспозиция көн саен иртәнге сәгать 10.00дән 22.00 гә кадәр 31 августка чаклы эшләр дип көтелә. Күргәзмәдә Татарстан аюы скульптурасы да катнашачак. Бадди аюлары берләшмәсе күргәзмәсе бөтен дөньяга танылган проект, күп кенә зур шәһәрләрдә: Берлин, Париж, Токио, Буэнос Айрес, Нью-Дели, Сидней, Варшава,Санкт-Петербурга, Екатеринбурта булганнан соң, чират Казанга җиткән. Һәр аю скульптурасы 1,2 метр биеклектә, һәрберсе аны ясаган рәссамның туган ягы үзенчәлекләрен, гореф-гадәтләрен, халкының тарихын чагылдыра.