Казанга патриарх Кирилл берничә максат белән килде

Аны "Казан" халыкара аэропортында Татарстан Президенты Рөстәм Миңнеханов, Россия Президентының идел буе федераль округындагы тулы вәкаләтле вәкиле Михаил Бабич, Казан мэры Илсур Метшин, Казан һәм Татарстан митрополиты Феофан һәм башкаларк каршы алган.

Патриарх Татарстанның Лаеш районы Каип авылында Богоявление Господня чиркәвендә булды. Ул шулай ук әлеге авылда бөек шәхес Гавриил Державинга һәйкәл ачылу тантанасында катнаша.

21 июльдә исә патриарх Кирилл Казан Изге Ана иконасы соборына нигез ташы салуда катнаша. Собор 1579 елда Казанда могҗизага ия Мәрьям Ана иконасы табылган урында торгызыла.