Казанлылар ВИЧ-инфекциягә аноним тестны бушлай узарга мөмкин

12 августта, казанлылар ВИЧ-инфекциягә бушлай аноним тест уза алачак. «Тест на ВИЧ: Экспедиция 2021» акциясе Бауман урамындагы сәгать янында (метро ишекләре янында) 12:00 дән 18:00 гә кадәр узачак.

Мобиль пункт белгечләре шәһәр халкына бу авыру турында сөйләячәк, ВИЧка каршы саклануның нәтиҗәле чаралары турында искә төшерәчәк. Моннан тыш, акция үткәрү чорында Татарстанда өлкән сыйныф укучыларының медицина хезмәткәрләре һәм ата-аналары өчен мәгълүмати-агарту семинарлары узачак.
Чаралар коронавирус инфекциясен таратуны профилактикалау чараларын үтәп узачак. Консультантлар шәхси яклау чараларын кулланачак, шулай ук һәр килүчедән соң тестның мобиль пунктлары өслеген дезинфекцияләячәк. Моннан тыш, тән температурасын үлчәү дә оештырылачак.

Тулырак мәгълүматны СПИД һәм йогышлы авырулар белән профилактика һәм көрәш буенча республика үзәге сайтында алырга мөмкин.
«Тест на ВИЧ: Экспедиция 2021» бөтенроссия акциясе 1 июньдә Санкт-Петербургта старт алды һәм 1 ноябрьдә Хабаровскта тәмамланачак. Югары квалификацияле белгечләр командасы, кешеләргә ВИЧ-инфекция таралу проблемасын искә төшерү өчен, Россиянең 50 төбәгенең зур һәм кече шәһәрләре буенча узачак.