Казанлыларны алты көнлек эш атнасы көтә

РФ Хезмәт кодексы нигезендә февраль – Ватанны саклаучылар көне – эшләми торган бәйрәм көн булып тора. Быел 23-нче февраль сишәмбегә туры килә. Хезмәткәрләр тарафыннан ял һәм эшләми торган бәйрәм көннәрен рациональ файдалану өчен 2021 елда 20-нче февраль ял көне шимбәдән 22-нче февраль дүшәмбегә күчерелде. Шулай итеп, шәһәрлеләр 21-нче февральдән 23-нче февральгә кадәр ял итәчәк, ә шимбә, 20-нче февральдә, эш көне озынлыгы бер сәгатькә кыскара.

Татарстан Республикасы Хезмәт, халыкны эш белән тәэмин итү һәм социаль яклау министрлыгы сайтында хәбәр ителгәнчә, Татарстанда 2021 елда биш көнлек эш атнасында эш көннәре саны 244 көн тәшкил итәчәк, шул исәптән бер сәгатькә кыскартылган 6 эш көне. Ял көннәре саны 121 көнне тәшкил итәчәк, шул исәптән 17 эш көне булмаган бәйрәм көне һәм күчерү белән бәйле 3 өстәмә ял көне.

Исегезгә төшерәбез, 22-23-нче февральдә Казанның гомуми кулланылыштагы җирле әһәмияткә ия автомобиль юлларында урнашкан түләүле муниципаль парковкаларга транспорт чараларын куйган өчен түләү алынмаячак.