Халык апрельдән үк бакчаларга китәргә ашкына

— Интернет-кабул итү бүлмәсенә шәһәрлеләрдән җәмәгать транспортын бакчачылык ширкатьләренә алданрак җибәрү үтенече белән күпсанлы мөрәҗәгатьләр керә. Шунлыктан, пассажирлар йөртүне, гадәттәгечә, 1 майдан түгел, ә апрель уртасыннан ачарга карар кылынды. Бакчачылар теләген исәпкә алып, без маршрутларны һәм автобуслар хәрәкәтен башлау вакытын үзгәртәчәкбез,-диде мэр Илсур Метшин “эшлекле дүшәмбе” киңәшмәсендә.

Шәһәр Башкарма комитеты җитәкчесе урынбасары Илдар Шакиров әйткәнчә, Казан янындагы бакчачылык ширкатьләренә 6 маршрутка 11-12 берәмлек автобус куела.

Бу нисбәттән, бер кызыклы хәл искә төште. Европада да бакчачылык ширкатьләре бар. Ләкин, европалылар аларны, фәкать, ял урыны сыйфатында гына файдалана. Россиядән Германиягә яшәргә күченеп киткән бер гаилә бакчачылык ширкатендәге җир кишәрлекләренә яз көне суган һәм помидор утырткан. Немецлар шаккаткан мондый күренешкә. Без-россиялеләр бакчачылык кишәрлекләрендә рәхәтләнеп яшелчә, бәрәңге һәм җимеш агачлары үстерәбез, безнең өчен ул табигый хәл. Яшелчә, җиләк үстермәгән кеше “ялкау” исемлегендә, хәтта. Әзергә-бәзер яшәргә күнеккән Европа илләрендә дә моннан ары дачаларында яшелчә үстерә