#Кыскача яңалыклар 15 июля 2021, 11:34

Хезмәт министрлыгы: 10 мең сум акча банк картасына гына күчереләчәк

15 июля 2021, 11:34

Мәктәп яшендәге балаларга 10 000 сум күләмендәге түләү банк картасына гына күчереләчәк. Кулга "тере" акчалар бирелмәячәк. Бу хакта РФ Хезмәт һәм социаль яклау министрлыгында хәбәр иттеләр.

Скопировать ссылку

Шул ук вакытта Хезмәт министрлыгында түләүләрнең теләсә нинди түләү системалары картасына күчереләчәген һәм моның өчен "Мир" картасын ачарга кирәкмәвен ачыкладылар.

6 яшьтән 18 яшькә кадәрге балаларга түләүләрне 16 августта күчерә башлаячаклар. Хезмәт министрлыгында бу көнне акчаны күпчелек гариза бирүчеләр алачак, дип фаразлыйлар.

Кулланучыларга уңайлы булсын өчен дәүләт хезмәтләре сайтында түләүгә гариза формасы автомат рәвештә формалаштырыла. Мәгълүматларның дөрес булуын тикшерергә һәм аларны Пенсия фондына җибәрергә генә кирәк. Бу бер минуттан да азрак вакытны ала. Әгәр ЕСИАдагы шәхси кабинетыгызда белдерү барлыкка килмәсә, 15 июльдән порталдагы анкетаны мөстәкыйль рәвештә тутырырга мөмкин.

Паспорт мәгълүматлары, бала туу турында таныклык, аның СНИЛСы һәм ата-аналарның СНИЛСы һәм банк счеты реквизитлары таләп ителә.

Фото: https://www.tatar-inform.ru/