Кинотеатрлар әлегә эшли?

Татарстанда бюджет өлкәсенә караган мәдәни оешмалар гына түгел, ә коммерция өлкәсенә караган учреждениеләр дә вакытлыча эшчәнлекләрен туктатып торырга мөмкин.

Бу хакта "Шәһри Казан" газетасына ТР мәдәният министры урынбасары Дамир Натфуллин хәбәр итте.

- Без коммерция оешмаларында приказ бирә алмыйбыз, әмма тәкъдим рәвешендә рәсми кәгазьләр җибәрәчәкбез, - диде Дамир Данил улы.

"Шәһри Казан" корреспонденты бүген иртән, 17 март көнне Казандагы барлык кинотеатрларның эшләвен белеште. Алар сеанслар күчерелмәве хакында хәбәр итте.

Кичә без театрлар да эшләрен туктатып торачак, дип хәбәр иткән идек: Театрлар да эшен туктатырга мәҗбүр