Комадагы МакSим аңына килгән

Казанда чыгыш ясаганнан соң хастаханәгә эләккән җырчы якташыбыз  МакSим аңына килгән. Ул озак вакыт комада иде. 
Марина (җырчының чын исеме) ишарәләр белән сөйләшә, бар нәрсәне дә ачык аңлый. 
Табиблар җырчыны комадан чыгарып, мөстәкыйль сулый алачакмы икәнен тикшереп карарга ниятләгән. МакSимның хәле әлегә авыр дип бәяләнә, әмма якын киләчәктә ул сулый алыр дип өметләнәләр. Әлегә ул ВИВЛ аппаратына (ИВЛның бер төре) тоташтырылган килеш кала бирә.