Коронавирусның яңа дулкыны булырга мөмкин

Бу хакта Sputnik радиосына вирусология профессоры Александр Чепурнов сөйләде.

Белгеч искәрткәнчә, 2020 елның көзендә һәм кышында вирусның "иң кызган чагы" булган. Шуңа да карамастан, хәл кабатланмаска мөмкин, бу вакыйгалар үсешенең фаразланган сценарийларының берсе генә.

«Без дулкынның иң биек ноктасына инде бер атнадан ук ирешә алабыз, ә аннары кимү башланачак, ә бәлки юк. Узган елгы хәл белән чагыштыру булганга, ул нәкъ шулай булачак дигән сүз түгел әле», - диде Чепурнов.

Аның сүзләренчә, көн саен зарарланучылар саны 40 мең кешегә кадәр җитәрме-юкмы - «барысы да “пик”ның кайда булуына», шулай ук россиялеләрнең вакцина ясатуына бәйле булачак. 

Бүген исә Россия президенты Владимир Путин төбәк һәм оешма җитәкчеләренә вакцина ясатучылар өчен, хезмәт хакын саклап, ике көнлек ял бирергә боерды.

Чыганак: "Татар-информ"