Коронавирусның яңа штаммнары боланнардан тарала?

АКШта «Альфа» һәм «Гамма» штаммнары ак койрыклы боланнарда табылган. Галимнәр коронавирусның яңа төрләре кешеләргә дә күчәргә мөмкин булуын кисәтә. Вирус хәтта коронавирусның «омикрон» штаммы белән авырганнарга да йогарга мөмкин.

Белгечләр фикеренчә, ковидның кыргый җәнлекләрдә чыккан яңа куркынычрак вариантлары барлыкка килүенә игътибар итәргә кирәк.

«Яңа мутация барлыкка килгәч, төрләр арасындагы күчешләр була. Әгәр алар дәвам итсә, чыннан да, яңа мутацияләнгән «Гамма» барлыкка килергә мөмкин, ул куркыныч тудыра ала», –  дигән Мәскәү физика һәм технология институтының Сәламәтлек саклау күрсәткечләрен анализлау һәм сәламәтлек саклауны циффрлаштыру лабораториясе мөдире Станислав Отставнов. Аның бу фикерен «Известия» чыгарды.

Ә башка галимнәр фикеренчә, әгәр кешенең Covid-19 патогеныннан ниндидер иммунитеты бар икән, димәк аңа бу чир йокмаска тиеш.

Чыганак - "Татар-информ"