Ковид кичергәннәрнең ике органында рак барлыкка килергә мөмкин

Коронавирус йоктырып, сәламәтләнгән кешеләрдә онкология авырулары үсеш ала башлаган. Россия Дәүләт Думасы депутаты, медицина фәннәре докторы Татьяна Соломатина шулай дип белдергән. 
"Безгә хәзер коронавирусны җиңел формада үткәргән пациентларны карарга кирәк.Ковид вакытында үпкәләренә зыян килгәннәрнең үпкә һәм ашкайнату, эчәклегендә онкология белән бәйле авырулар барлыкка килүе ачыклана башлады",- дигән белгеч.