Кояшта өч шартлау булган: тагын да көчлерәкләре көтелә

16 июль көнне Федоров исемендәге институт галимнәре кояшта өч каты шартлау булуын теркәгән. Берсе шул кадәр көчле булган ки, радиоэлемтәләргә дә зыян салган. 
Галимнәр 17 июльдә дә шартлау булырга мөмкин дип фаразлый. Ул Х класслы булуы һәм радиоэлемтәләргә зыян китерүе ихтимал. 
Кояштагы шартлаулар Җирдә магнит давыллары китереп чыгарырга мөмкин. Алары, үз чиратында, энергия системасында 
хилафлыклар тудыра. Шулай ук хайваннар һәм кошлар миграциясенә тәэсир итә.