Кукмарада да давыл чыгып, парникны машина өстенә алып куйган

Лилия Нургалиева хәбәр иткәнчә, Тырыш авылында өермә агачларны сындырган. Югары Чурадагы бер хуҗалыкның түбә шиферларын алып аткан. Вахит авылындагы зиратта агачлар сынып, берничә чардуганга зыян килгән. Ә бер хуҗалыкта хәтта бакчадагы парникны машина өстенә алып куйган. Машинага әллә ни зыян килмәгән, диде безгә Лилия.