Кыш бабай авыру балаларга буш тартмалар бүләк иткән

Блохин исемендәге онкология үзәге волонтеры Виктория Бирюкова "Беренче канал"да бара торган "Модный приговор" тапшыруында катнашкан. Соңрак тапшырудан аңа шалтыратып, онкологиядән дәваланучы балаларга бүләкләр бирергә теләүләрен әйткәннәр. 

Виктория бәйрәмне оештырырга ярдәм иткән. Телеканал Кыш бабай һәм Кар кызы җибәргән.  Кыш бабай чыгыш ясаганнан соң балаларга бүләкләр дә алып килүен әйткән. Әмма телеканал калдырып киткән 4 капчыкта бүләкләр сала торган буш тартмалар гына булуы ачыкланган.