Кыш бер айга соңара

«Климатны тикшерүләрдән чыгып, соңгы елларда ноябрь болай да җылы килә башлады, бу юлы аеруча сизелде. Гадәттә, 19-20 ноябрьдә 5 градус салкын күзәтелсә, быел кыш бер айга соңарып килә», - ди Казан федераль университеты профессоры Юрий Переведенцев. Аның әйтүенчә, шимбәгә кадәр һава температурасы уртача 5,6 градус салкын сакланачак. Ә шимбә яңа циклон кар алып килер дип көтелә. Дөрес, температура да җылына, кар эреп бетүе ихтимал. Бу циклон узганнан соң, киләсе атнага суыта башлар, ниһаять, кыш килер, дип фаразлый синоптиклар.