Лаеш районы башлыгы Илдус Зарипов махсус хәрби операция зонасында: "Сезне исән һәм сәламәт килеш өйдә көтәбез!"

Лаеш районы башлыгы Илдус Зарипов Луганск халык республикасында мобилизацияләнгән татарстанлылар белән очрашкан. Администрация мәгълүматлары буенча, Луганскида 100 дән артык якташыбыз хезмәт итә. Лаеш вәкиле хәрбиләрнең хезмәт шартларын һәм көнкүрешен күргән һәм часть командирлары белән аралашкан. Илдус Зариповны хәрби комиссар Александр Афанасьев, шулай ук район Советы Аппараты җитәкчесе Рамил Гарифуллин озатып йөргән.

Кунаклар район халкы, җирле эшмәкәрләр, туганнары һәм битараф булмаган кешеләр җыелган гуманитар ярдәм тапшырган. Шулай ук хәрбиләребезгә хатлар тапшырылган. "бу иң кадерле бүләк", дигән хәрбиләр. Шулай ук солдатларга Лаеш Изге Троица архиерей ишегалды якшәмбе мәктәбе тәрбияләнүчеләреннән изге амулетлар бүләк иткәннәр.

Зарипов билгеләп үткәнчә, барлык егетләр дә сугышчан рухта һәм барлык якташларына сәлам һәм рәхмәтләрен җиткерәләр. Ул шулай ук районның барлык халкы исеменнән сугышчыларга тизрәк исән-сау өйләренә кайтырга теләде.

Александр Афанасьев барлык хәрбиләр тулысынча җиһазландырылган һәм кирәкле әйберләре бар дип өстәде. Ул шулай ук Луганск халык республикасында хезмәт итүче улы белән аралашкан.