Лолита кияүгә чыккан! Ничәнче тапкыр?

Россия җырчысы, 57 яшьлек Лолита Милявская күптән түгел генә кияүгә чыгуын хәбәр иткән. Бу хакта ул телевидениедә «Новогодняя Маска» тапшыруы вакытында әйтте.

Бу – җырчының алтынчы ире. Лолитаның моңа кадәр актер Александр Беляев, Виталий Милявский, шоумен Александр Цекало, бизнесмен Александр Зарубин һәм теннисчы Дмитрий Иванов белән никахта булуы мәгълүм.

Җырчы алтынчы иренең кем икәнен әйтмәгән.