Махсус операциядә катнашучыларга Казаннан «Нива» автомобиле җибәрделәр

Бу хакта Казанның Вахитов һәм Идел буе районнары администрациясе башлыгы Альберт Салихов «ВКонтакте» социаль челтәрендәге үзенең сәхифәсендә сөйли.

Түрә сүзләренчә, «Нива» машинасы «Фестрал» җаваплылыгы чикләнгән җәмгыяте директоры Андуз Галиев белән берлектә җибәрелгән. «Машинага үлән чәйләре һәм бал төяделәр — салкын кышта иң кирәк нәрсәләр», — дип аңлата ул.

Хәрбиләрнең бурыч һәм теләкләрен исәпкә алып, автомобильгә техник хезмәт күрсәтү үткәрелде һәм үзгәртеп корылды, дип төгәллек кертә Альберт Салихов.

Украинада махсус хәрби операция 2022 елның 24 февралендә башланды, аның инициаторы – Россия Президенты Владимир Путин. Россия Хөкүмәтендә күп тапкырлар белдерүләренчә, махсус операция тиешле максатка ирешкәнче дәвам итәчәк.

Россия Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.

Чыганак: Татар-информ