“Мәһдиев укулары” беренче тапкыр Россия күләмендә уза

Быел әдипнең 85 еллыгына багышланган һәм әдәбият елы уңаеннан оештырылган бу чара беренче тапкыр Бөтенроссия фәнни-практик конференция буларак уза.

"Мәһдиев укулары" моңа кадәр дә ел саен уздырылып торды. Бу юлы исә аны тагын да зуррак масштабта уздырырга ниятлиләр. Чараны оештыруда башлап йөрүчеләр - филология фәннәре кандидатлары Гөлфия Гайнуллина белән Нурфия Йосыпова әйтүенчә, "Мәһдиев укуларына" быел 200дән артык эш кабул ителгән. Чыгыш ясаучылар арасында Удмуртия, Мордовия, Башкортстан республикаларыннан укучылар да бар.