Мишустин ташламалы ипотека шартларын үзгәртү турындагы карарга кул куйды

"Тиешле карар имзаланды. Бу торак шартларын яхшыртырга теләгән гражданнарыбызны да, төзелеш бизнесын да хупларга ярдәм итәчәк", - диде Мишустин Россия икътисадының санкцияләр шартларында тотрыклылыгын арттыру буенча хөкүмәт комиссиясе президиумы утырышында.

Аның сүзләренә караганда, яңа шартлар 1 апрельдән үк эшли башлый.
Мәскәү, Санкт-Петербург, Ленинград һәм Мәскәү өлкәләре өчен кредит күләме 12 млн сумга кадәр, калганнары өчен 6 млн сумга кадәр арттырылган.

Моңарчы Россия лидеры Владимир Путин ташламалы ипотека буенча ставкаларны 12% ка кадәр арттыру турындагы тәкъдимне хуплаган иде.