#Кыскача яңалыклар 03 ноябрь 2021, 11:26

Песков эшләми торган көннәрне озайту мөмкинлеген шәрехләде

03 ноябрь 2021, 11:26

Россия президенты Путинның матбугат сәркатибе Дмитрий Песков Россиядә эшләми торган көннәрне коронавирус белән вәзгыять аркасында озайту мөмкинлеген шәрехләде.

Скопировать ссылку

Ул имеш-мимешләргә ышанмаска, ә рәсми мәгълүматларга йөз тотарга чакырды. "Имеш-мимешләргә ышанырга кирәкми, рәсми мәгълүматка йөз тотарга кирәк", - диде Путинның матбугат сәркатибе Песков. Шул ук вакытта ул, барлык төбәкләр дә пандемия чорын озынайту буенча аерым вәкаләтләргә ия һәм үз территорияләрендә эпидемиологик вәзгыять үсешенә бәйле рәвештә карарлар кабул итә ала, дип белдерде.

Моңарчы Россия сәламәтлек саклау министры Михаил Мурашко илдә коронавирус инфекциясе белән бәйле хәлгә эшләми торган көннәрнең йогынтысы турында сөйләде.
Роспотребнадзор башлыгы Анна Попова COVID-19 белән көрәш буенча кабул ителгән чаралар аркасында игьлан ителгән эшләми торган көннәр тиз арада үз җимешен бирмәячәк, дип белдерде.

Кызыклы яңалыкларны күзәтеп бару өчен безнең МАХ каналына кушылыгыз.

#карантин #локдаун #Владимир Путин, Путин, Президент