Россия Президенты Владимир Путин мәктәпләрдә туклану сыйфатын контрольдә тотуга әти-әниләрне җәлеп итәргә кирәклеге турында белдерде.
"Туклану сыйфатын тикшерергә кирәк. Ахыр чиктә, туклану сыйфатын әти-әниләр дә контрольдә тотарга тиеш", - диде ул Мәгариф һәм фән министрлыгы башлыгы Сергей Кравцов белән очрашу барышында.
Путин ассызыклаганча, "Барысын да санитария шартлары үтәлерлек итеп тиешенчә оештырырга кирәк".
"Ата-аналар комитетлары бу эшне оештыра ала", - дип өстәде президент.
Мәгариф министрлыгы башлыгы Сергей Кравцов РФ президенты Владимир Путинга хәбәр иткәнчә, мәктәпләрдә балаларның туклану сыйфатын контрольдә тотуга ата-аналарны да җәлеп итәчәкләр.
"Без бу теманы бөтенроссия ата-аналар ассоциациясе вәкилләре белән сөйләштек. Балалар туклануын контрольдә тоту өчен ата-аналарны җәлеп итә башладык, чөнки алар иң җаваплы кешеләр. Һәм бу контрольне көчәйтү өстендә эшләүне дәвам итәчәкбез", - диде Кравцов президент сүзләренә җавап итеп.
Комментарийлар