Рамил Чурагулов халыкара медаль белән бүләкләнде

Татарстанның атказанган сәнгать эшлеклесе, Башкортстанның  атказанган мәдәният хезмәткәре,  меңгә якын җыр авторы һәм җырчы-башкаручы Рамил Чурагулов Казахстанның Абай исемендәге Халыкара медале белән бүләкләнде. Ул бу зур  бүләккә халыклар арасындагы дуслыкны ныгытуы өчен лаек булды. Медаль Мәскәүдәге очрашу вакытында тапшырылган.

Бу бүләкне тырыш хезмәте, таланты белән белән яулады ул. һәрвакыт милләттәшләребез арасында. 11- 24 октябрь көннәрендә татар төбәкчеләре белән Урал  якларында сәяхәттә дә булып, озын авыр юллар узып, анда яшәүче татарларыбызның күңеленә  милли моңнар һәм гамьле уйлар салып кайтты. Аның сүзләренә язылган һәм ул башкарган җырлар дөньяны шәфкатьлерәк итә, нурлырак ясый. Әлеге зур бүләк аның   иҗатын яңа биеклекләргә күтәрергә ярдәм итсен,  исән-сау булсын иде!