Россиядә укытучыларны мыскыл иткән өчен штрафлар кертәчәкләр

Якын арада Дәүләт Думасына педагогларны мыскыл иткән өчен җаваплылык турында канун проекты кертәчәкләр. Бу хакта «Известия» хәбәр итә.

Штрафлар күләме физик затлар өчен биш мең сумнан, юридик затлар өчен 700 мең сумга кадәр җитәчәк.

«Известия» мәгълүматлары буенча, канун проектын мәгариф комитеты рәисе урынбасары Яна Лантратова, депутат Александр Терентьев һәм «Гадел Россия — дөреслек өчен» фракциясе башлыгы Сергей Миронов әзерләгән.