Россия хакимияте чаң суга: коронавирус йоктырып хастаханәдә дәваланучы балалар саны бихисап

Татьяна Голикова соңгы 2 көндә инфекция йоктырган балаларны хастаханәгә салу дәрәҗәсенең 36,5% ка артуы турында белдерде. Ул билгеләп үткәнчә, моңа аеруча игътибар итәргә кирәк. Вәзгыять куркыныч. Иминлек чараларын кулланырга кирәк.

Моннан тыш, ул барлык төбәкләрнең дә ковидка каршы чикләүләрне кертергә тиешлеге турында хәбәр итте. Төбәкләргә карата мәктәпләр һәм балалар бакчаларының эш графигын раслау эшен башкару йөкләнелде. Моннан тыш, эш бирүчеләр хезмәткәрләрне күпләп читтән торып эшләүгә күчерергә тиеш.