#Кыскача яңалыклар 02 апрель 2017, 06:16

Россиядә дөнья медицинасында булган технологияләрнең 30 проценты гына кулланыла

02 апрель 2017, 06:16

Безнең илдә киң катлау халык өчен түбән бәяле медицина, инновацияле медицинага караганда, ике тапкырга яхшырак үсеш алган.

Скопировать ссылку

Медицина фәнни тикшеренү институты җитәкчеләре, фармацевтика оешмалары һәм "Роснано" инициативасы буенча оешкан "Сумма технологий" эксперт клубына керә торган дәвалау оешмаларының хезмәткәрләре шундый нәтиҗәгә килгән. Бу хакта "Известия" газетасы хәбәр итә.

Тикшерү агымдагы елның февраленнән мартка кадәр уздырылган. Анда 30 белгеч катнашкан. Алар арасында берәү дә илдәге медицинаны дөнья дәрәҗәсенә туры килә дип билгеләмәгән. Уртача алганда, Россия медицинасын белгечләр 5 балл белән бәяләгән, ә инновацияле медицина уртача 3 балл алган.

Тикшерүдә әйтелгәнчә, бүген Россиядә дөнья медицинасында булган технологияләрнең 30 проценты гына гамәлдә куллана. Калган 70 проценты кыйммәт булганга яки квалификацияле табиблар җитешмәү сәбәпле кулланылмый.

- Кулланыла торган технологияләрнең күләме аз. Бу, беренчедән, икътисадый факторга бәйле, әгәр соңгы буында яңа дару барлыкка килсә, дөнья базарында ул бик кыйммәт булачак, - дип белдерде биология фәннәре кандидаты, Россия Нанотехнология җәмгыятенең вице-президент вазифаларын башкаручы Денис Андреюк.

http://tatar-inform.tatar

Кызыклы яңалыкларны күзәтеп бару өчен Т елеграмга кушылыгыз.