#Кыскача яңалыклар 19 июня 2018, 19:10

Рөстәм Миңнеханов Жан Птижан медале белән бүләкләде

19 июня 2018, 19:10

Халыкара университет спорты федерациясе FISU Татарстан Президенты Рөстәм Миңнехановка үзенең югары бүләген - Жан Птижан медален тапшырды. Бу турыда FISU матбугат хезмәте хәбәр итте.

Скопировать ссылку

Рөстәм Миңнеханов Жан Птижан медале белән бүләкләде

Бу турыда FISU матбугат хезмәте хәбәр итте, дип яза Тататр-информ.
.

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Матбугат хезмәтендә Рөстәм Миңнехановның FISU инициативаларын, шул исәптән FISU Volunteer Leaders Academy башлангычларын да даими хуплавын, Универсиада-2013 әзерлеге өчен төп рольне башкаруын искә алганнар. "Шәһәр Универсиада мирасын кулланып, башка югары дәрәҗәдәге спорт ярышларын кабул итте. Шулар арасында су спорты төрләре буенча дөнья чемпионаты, быелгы футбол буенча дөнья чемпионаты", диелгән FISU хәбәрендә.

Жан Птижан медале 2013 елда булдырылды. Ул Халыкара студентлар конфедерациясенә нигез салучы, Париждагы беренче Бөтендөнья университет уеннарын оештыручы француз педагогы исеме белән аталган.

Кызыклы яңалыкларны күзәтеп бару өчен Телеграм-каналга кушылыгыз.