#Кыскача яңалыклар 08 сентября 2019, 18:08

Сайлау участокларында 5 меңнән артык полиция хезмәткәре эшли

08 сентября 2019, 18:08

Татарстан эчке эшләр министры урынбасары Алексей Соколов мәгълүмат үзәгендә журналистларга сайлау участокларында 5 меңнән артык полиция хезмәткәре эшләвен, металл детекторлар куелуын хәбәр итте.

Скопировать ссылку

Концерт уза торган “Казан-Арена” стадионында да тәртип һәм куркынычсызлыкны полиция саклый.
– Сайлау алды кампаниясе барышында шәһәр һәм районнарда узган халык белән очрашуларда да полиция хезмәткәрләре катнашты. Июль аеннан 6 сентябрьгә кадәр без көчәйтелгән эш режимында эшләдек. Сайлау алдыннан алар уза торган участоклар тикшерелеп чыкты. Сайлау участокларында 5 меңнән артык полиция хезмәткәре эшли. 270 Рогвардия хезмәткәре, 400 курсант һәм шәхси сак оешмаларында эшләүчеләр җәлеп ителде, – диде ул.

Кызыклы яңалыкларны күзәтеп бару өчен Телеграм-каналга кушылыгыз.

#Дәүләт Советына сайлаулар