#Кыскача яңалыклар 08 мая 2018, 15:03 Уку өчен 2 минут

Шәһәр кунаклар каршыларга әзерләнә

08 мая 2018, 15:03

Уку өчен 2 минут

Казанда санитар чистарту ике айлыгы барышында гомумшәһәр өмәсе үткәрелде. Анда 55 мең кеше, 1500 предприятие һәм оешма катнашты. «Эшлекле дүшәмбе» киңәшмәсендә шәһәр башкарма комитеты җитәкчесе урынбасары – тышкы төзекләндерү комитеты рәисе Игорь Куляжев хәбәр иткәнчә, 75 парк һәм сквер, шулай ук мәктәп һәм йорт яны территорияләре чистартылган.

Скопировать ссылку

Министрлык һәм ведомство, районнар хакимиятләре, шәһәр башкарма комитеты хезмәткәрләре, предприятиеләр эшчеләре, ВУЗ студентлары, мәктәп укучылары, казанлылар бердәй тырышып эшләгән. Полигонга 10,5 мең кубометр чүп-чар чыгарылган. Быел пластик шешәләр аерым капчыкларга җыелган, алар икенчел чимал сыйфатында кабаттан эшкәртеләчәк.

Казанның моторлар төзү-җитештерү берләшмәсе, Горбунов исемендәге авиация заводы, «Эдельвейс», Казан федераль университеты, «Радиоэлектроника», «Казан компрессор машиналары», «Казан органик синтез» заводлары аеруча активлык күрсәткән.
Мэр Илсур Метшин, үзенең фикерләре белән уртаклашканда, Казанда Футбол буенча дөнья чемпионаты матчларына күп кунаклар киләчәген искә алды.
– Казанлыларга, предприятиеләргә, югары уку йортларына, мәктәпләргә, бизнес вәкилләренә рәхмәт! Шәһәребез чисталыгы – үзебезнең кулда, аны яратыйк, матурлыгы өчен тырышыйк, – диде мэр Илсур Метшин.

Кызыклы яңалыкларны күзәтеп бару өчен Вконтактега кушылыгыз.