Сыйныфташлары дәрес вакытында бер малайның умыртка баганасын сындырганнар

Малайны сыйныфташлары дәрес вакытында кыйнаганнар һәм әлеге гамәлләрен видеога төшергәннәр. Видеода малайның өстенә икенче бер малайның бөтен гәүдәсе белән ятканы, ә аста зыян күрүче малайның селкенә дә алмый интеккәне күренә.

Умыртка баганасы сынган малайның әти-әнисе әлеге гамәлләреннән яшүсмерләрне туктатмаган өчен физкультура укытучысын гаеплиләр.

Хәзер әлеге факт буенча тикшерү эшләре бара.