#Кыскача яңалыклар 12 декабрь 2025, 10:01

Түбән Кама районы Ширәмәт авыл җирлеге башлыгы юл-транспорт һәлакәтендә үлгән

12 декабрь 2025, 10:01

Түбән Кама районындагы юл-транспорт һәлакәтендә Ширәмәт авыл җирлеге башлыгы Владислав Никишин һәм аның шоферы Анатолий Горбунов фаҗигале рәвештә һәлак булды.

Скопировать ссылку

Фаҗига турындагы мәгълүматны Түбән Кама районы башлыгы Радмир Беляев үзенең телеграм-каналында раслаган.

- Владислав Ивановичка нибары 34 яшь иде. Зур кайгы. Ул безнең йөрәкләрдә якты, игелекле һәм үз эшенә тугры кеше булып мәңгегә калачак. Владислав Иванович гаиләсенең һәм Анатолий Юрьевичның якыннарының кайгысын уртаклашам, - дип язган Беляев.

Элегрәк Татарстан Дәүләт автоинспекциясе матбугат хезмәте әлеге юл-транспорт һәлакәте турында хәбәр иткән иде. Беренчел мәгълүматлар буенча, 11 декабрь көнне Түбән Кама районындагы трассада Chevrolet Niva автомобилен йөртүче металл киртәгә килеп кергән. Шуннан соң җиңел автомобиль каршы як полосага килеп чыккан, анда Sitrak йөк машинасы белән бәрелешкән.

Chevrolet Niva автомобиленең йөртүчесе һәм пассажиры алынган җәрәхәтләрдән һәлакәт урынында һәлак булган. Һәлакәтнең шартлары һәм төгәл сәбәпләре ачыклана.

Кызыклы яңалыкларны күзәтеп бару өчен Т елеграмга кушылыгыз.