Татарстанда медицина хезмәткәрләренең хезмәт хакларын арттырачаклар. Күпмегә?

Иң күп акчаны Тыва (1,1 млрд тан артык), Донецк Халык Республикасы (551,4 млн) һәм Красноярск краена (508,7 млн сумнан артык) бирәчәкләр. Билгеләп үтик, сентябрь ахырында Татарстанда медицина хезмәткәрләренең окладларын индексацияләделәр. Алар уртача 3 мең сумга арткан. Участок табиб-терапевтлары һәм педиатрларның оклады 33 мең сум, анестезиологларныкы — 34,6 меңгә кадәр, стационарларның хирургия профиле бүлекләре мөдирләренеке 38,2 мең сум булырга тиеш.

Март аенда РФ Хисап палатасы рәисе урынбасары Галина Изотова билгеләп үткәнчә, 2024 елда табибларның хезмәт хакы 21 төбәктә тиешле дәрәҗәгә җитмәгән, ә урта медперсоналның хезмәт хакы 19 төбәктә тиешледән түбәнрәк. Шул ук вакытта РФ Сәламәтлек саклау министры Михаил Мурашко табибларның хезмәт хакы төбәк буенча уртача 200%, ә урта медицина персоналының — 100% тәшкил итәргә тиешлеген искәртә. Исегезгә төшерәбез, Мурашко хәбәр иткәнчә, Россия Сәламәтлек саклау системасында табиблар кытлыгы бүген 23,2 мең кеше тәшкил итә.