Фигуралы шуучы Динә Хөснетдинова Казанда елның иң яхшы спортчысы дип танылган

Зәй районы Аксар авылында туып-үскән кыз үз юлын җирле спорт мәктәбендә башлаган, алты ел Казанның «Стрела» сында шөгыльләнгән, ә 2025 елның җәендә Мәскәүдә танылган тренер Этери Тутберидзе төркеменә күчкән.

Хөснетдинова яңа җитәкчелек ярдәме белән Казанда Гран-при этабында җиңү яулаган. Спортчы җыеннарда булганлыктан, аның урынына бүләкне әнисе Резедә Хөснетдинова алган. Фигуристка видеомөрәҗәгатендә үзенең элеккеге тренерларына, гаиләсенә һәм җанатарларына рәхмәт белдергән.