16+

Таможня хезмәте генерал-майоры Альберт Мавликов: «Коръән – тыелган әдәбият исемлегендә түгел»

Чит илләрдән почта аша экстримистик эчтәлектәге әдәбият та кайтартыла, кайчак. Андый китаплар таможня хезмәткәрләре тарафыннан ачыкланыла. Экстримистик эчтәлектәге китап кайтарткан яки җибәргән кешегә карата җинаять эше дә кузгатылырга мөмкин.

Таможня хезмәте генерал-майоры Альберт Мавликов: «Коръән – тыелган әдәбият исемлегендә түгел»

Чит илләрдән почта аша экстримистик эчтәлектәге әдәбият та кайтартыла, кайчак. Андый китаплар таможня хезмәткәрләре тарафыннан ачыкланыла. Экстримистик эчтәлектәге китап кайтарткан яки җибәргән кешегә карата җинаять эше дә кузгатылырга мөмкин.

- Төркиядәге яки Үзбәкстандагы кеше Татарстанга почта аша Коръән җибәрсә, бу очрак ничек бәяләнәчәк? - дигән сорау куйдым “Татар-информ” мәгълүмат агентлыгында 27 ноябрьдә узган матбугат конференциясендә.

- Коръән экстримистик китаплар исемлегендә түгел. Коръәнне почта аша җибәрергә яки кайтартырга була, - дип җавап кайтарды Татарстан Республикасының таможня хезмәте генерал-майоры Альберт Мавликов.

Быелның 24 октябреннән таможня каравы аша узарга тиешле товарларны электрон документлаштыру вәкаләте Идел буе таможня идарәсенә күчерелгән. Татарстан таможнясы да таможня каравы тиешле товарларга декларация тутыра. Бу исемлеккә Евразия икътисади берлеге таможня чикләре аша уза торган товарлар да керә, ягъни тикшерелә. Физик затлар белән эшләү тәртибендә үзгәрешләр юк. Республикада һава юллары үткәрү пунктларында һәм халыкара почта әйләнешендә күзәтчелекне Татарстан таможнясы башкара.

Быелның 10 аенда 2 килограммга кадәрге авырлыктагы 3 709 674 пакет-төргәк тикшерелгән. Товарлар кечкенә пакетларда күбесенчә Кытай, Сингапур, Монголия һәм Германиядән кайтартыла. Почта аша товарлар Япония, Италия, Испания, Һиндстан, Франция, Корея һәм башка илләрдән дә соратып алына икән.
- Салкын корал, ятмәләр, психотроп матдәләр, яшертен мәгълүмат алу-тыңлау аппаратлары да очрап куя. Мондый товарларны кайтарту яки җибәрү закон тарафыннан тыела,-дип кисәтте Альберт Мавликов.

Татарстандагы “Казан” белән “Бегишево” халыкара аэропортлары дәүләт чикләре булып санала, аларда таможня тикшерүе үткәрелә. Быелның 10 аенда “Казан” аэропортыннан 7 027 самолет, 1 миллион 28 мең пассажир узган. “Бегишево” аэропорты күрсәткече: 661 самолет, 116 мең пассажир.
- Аэропортлар пассажирларының кайберләре тиешле нормадан күбрәк итеп алкоголь продукциясе, тәмәке, салкын корал алып керә. Рөхсәт ителмәгән товарлар алып кергән өчен, товарны декларациядә күрсәтмәгән өчен штраф салына. Быел 14 очракта җинаять эше кузгатылды, - диде Альберт Мавликов.

“Казан” халыкара аэропортында таможняның “яшел” һәм “кызыл” коридорлары гамәлдә. Әгәр кесәңдә 10 мең доллардан күбрәк акчаң булса яки 25 мең доллардан кыйммәтрәк бәядәге мәдәни мирас әйбере алып чыксаң, син “кызыл” коридорга юнәлергә, товарларыңа тмаожня декларациясе тутыртырга тиеш. Альберт Мавликов әйткәнчә, банк картасында ничә сум акча булуын таможня тикшерелми. “Банк картасындагы акчаны чик аша узганда башка органнар тикшерә”, - диде ул.  

Чит илләргә чыкканда, шулай ук почта аша товар кайтартканда (катлаулы хәлдә калмас өчен) алдан Татарстан таможнясы сайтындагы мәгълүматларны өйрәнү зыян түгел. Тыелган товарлар исемлегендәге әйбергә заказ бирмәвең хәерле.

Автор фотолары

  

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading