«Ташламалы» штрафлар исемлеген арттырачаклар

Административ хокук бозулар кодексының яңа концепциясе юл хәрәкәте кагыйдәләрен бозган өчен генә түгел, гражданнарның тормышына һәм сәламәтлегенә куркыныч тудырмый торган башка хокук бозулар өчен дә штрафларны ташлама белән түләүне күздә тота, дип яза «Интерфакс». Хәзерге вакытта юл хәрәкәте кагыйдәләрен боз­ган өчен, түләү карары чыгарылганнан соң 20 көн эчендә башкарылган очракта, билгеләнгән штрафның 50 процентын түләргә мөмкин. Шулай ук 10 мең сумга кадәр штраф түләтү механизмын гадиләштерергә тәкъдим ителә. Ул приставларга башкарма эш ачмыйча гына, автомат режимда, банктан бурычлының акча хисабыннан гына акча алуны күздә тота.