Татарстан юллары автобус һәм йөк машиналары өчен ябыла

Пәнҗешәмбе, 11 гыйнварда, 15.00 сәгатьтә Татарстан федераль трассаларында шәһәрара автобуслар, маршрут таксилары һәм йөк транспорт чаралары өчен хәрәкәтне вакытлыча чикләү кертелде.

Чикләүләр түбәндәге участокларда гамәлдә:

М-7 Волга Мәскәү Владимир Түбән Новгород Казан Уфа км 735+683 км 1169+336;
М-7, Ижевск һәм Пермь шәһәрләренә керү юлы км 0+000 км 28+916;
М-7, Киров шәһәренә керү юлы км 15+760 км 127+190;
Р — 241 Казан — Буа — Ульяновск км 0+000-км 136+969;
Р-239 Казан Оренбург Акбүләк Казахстан Республикасы белән чик км 10+910 км 399+065;
Р-239, аэропортка керү юлы км 0+000 км 6+400;
А-295 Йошкар-Ола-Зеленодольск М-7 автомобиль юлы Волга км 95+566 км 126+279;
А — 151 Цивильск Ульяновск км 122+805 км 136+710 км.
«Волга-Вятскуправтодор» аңлатуынча, мондый карар начар һава торышы белән бәйле булган. Трассаларда кар, көчле ян җиле, Түбән буран һәм күрү мөмкинлеге чикләнгән. Чикләүләр уңай һава шартларына кадәр сакланачак.

Синоптиклар  фаразы буенча, республикада көчле кар, буран көтелә, юлларда бозлавык һәм кар көртләре булырга мөмкин, ә җил секундына 16 метрга кадәр көчәячәк.

Татарстан ЮХИДИ идарәсе машина йөртүчеләрдән бик кирәк булмаганда торак пунктлардан читтә чыкмаска, ә юлда штаттан тыш хәлләр булган очракта (843) 533 38 88 телефоны аша мөрәҗәгать итүне сорый.