Татарстанда 6 ай эчендә әти-әниләр өчен оештырылган telegram-каналына 6 меңгә якын кеше язылган

6 ай эчендә Татарстандагы «Ата-аналарга! Игътибар - тикшерелде" («Родителям! Внимание — проверено») telegram-каналына 5,6 мең абунәче язылган.

Бу каналда психологлар ата -аналарга баланы деструктив төркемнәрдән ничек саклап калу һәм тәрбияләү буенча саллы киңәшләрен җиткерәләр.

«Ориентир» ресурс үзәгенең халыкка психологик ярдәм күрсәтү системасы мониторингы бүлеге методисты Анастасия Ивашкевич әйтүенчә, каналының максаты - балаларны кирәкмәгән социаль активлыклардан саклау.

Биредә 20 гә якын кеше мәкалә язуда катнаша. Аларның эшен ТР Мәгариф һәм фән министрлыгы җитәкли.

"Ата-аналарга! Игътибар - тикшерелде" («Родителям! Внимание — проверено») telegram-каналы турында күбрәк «События” порталында укып белә аласыз.