#Кыскача яңалыклар 24 марта 2018, 10:30 Уку өчен 2 минут

Татарстанга су басу куркынычы яный

24 марта 2018, 10:30

Уку өчен 2 минут

Татарстан Гидрометеорология һәм әйләнә-тирә мохитне күзәтү идарәсе республика территориясендә су басу куркынычы хакында белдерде. Ведомствоның рәсми сайтында шул хакта хәбәр ителә.

Скопировать ссылку

Бу Куйбышев сусаклагычында суның артык күп булуына бәйле. Хәзер анда суның биеклеге нормадан 3,5-4 метрга артыграк.

Татарстан Гидрометеорология һәм әйләнә-тирә мохитне күзәтү идарәсендә искәртүләренчә, күп кенә елгалар (Зөя, Мишә, Зәй һ.б.) әлеге сусаклагычка тоташкан. Әлеге елгаларның тамагы тирәсендәге территорияләр дә куркыныч зонага керә, дип искәртә белгечләр.

Хәзер синоптиклар республикада кар һәм бозның акрынлап эрүен фаразлый.

Татарстандагы кечкенә елгаларда боз апрельнең беренче-икенче декадасында ук кузгалачак, ди белгечләр.

"Татар-информ"

Кызыклы яңалыкларны күзәтеп бару өчен Вконтактега кушылыгыз.

#Татарстан #су басу