Татарстанның танылган журналисты вафат булган

Бүген иртән Чаллыда РФ Журналистлар берлеге әгъзасы Венера Мусинаның йөрәге тибүдән туктаган. 10 февральдә аңа 62 яшь тулган булыр иде. Бу хакта «Челнинские известия» газетасы яза.

Венера Мусина Чаллыга Казан дәүләт университетының журналистика факультетын тәмамлаганнан соң килгән һәм озак еллар КАМАЗ радиосында эшләгән. Аннары шәхси бизнес белән шөгыльләнгән, әмма иҗаттан аерылмаган – ул берничә китап авторы.

Мәрхүмә белән хушлашу көне һәм кайда җирләнәчәге әле билгеле түгел, дип яза "Татар Информ".