Тикшерүчеләр Казан маньягы Птицинның корбаннарын эзли

Хатын-кызларга һөҗүм итүдә шикләнелүче 49 яшьлек Игорь Птицинга карата җинаять эшен тикшерү дәвам итә. Тикшерү комитеты шикләнелүче кулыннан зыян күрүчеләрне түбәндәге адрес буенча мөрәҗәгать итүләрен сорый: Казан, Наки Исәнбәт урамы, 57 нче йорт яисә 8 (843) 221-73-81.

Тикшерү фикеренчә, 2009-2017 елларда шикләнелүче Казанның Киров һәм Авиатөзелеш районнарында кешеләргә һөҗүм иткән. Шулай ук Птицин 11 ел элек Тирән күле янындагы урман паркында 17 яшьлек Даши Максимованы үтерүдә шикләнелә.