#Кыскача яңалыклар 24 января 2018, 11:39

Төркия гаиләсендә тәрбияләнгән егет вафат булган

24 января 2018, 11:39

Төркиянең Анталья шәһәре хастаханәсендә «Пусть говорят» тапшыруы герое вафат булган. Ул милләте буенча рус кешесе булган дип фаразлана. Төркиядә бу егетне «Өмет» дип йөрткәннәр. Бу хакта «Анадолу» агентлыгы хәбәр итә.

Скопировать ссылку

Төркия гаиләсендә тәрбияләнгән егет вафат булган

Антальяда яшәүче Гөлсем Кабадайы Өметне моннан 10 ел элек хастаханәдә күргән һәм шуннан бирле аны кайгыртып-тәрбияләп торган.
Кабадайы «Анадолу» агентлыгына хәбәр иткәнчә, Өмет соңгы 10 көн дәвамында реанимациядә яткан. Соңгы көннәрдә егетнең хәле бик нык начарайган.

– Аны ясалма сулыш алу аппаратына тоташтырдылар. Бөерләре эшләмәгәнлектән, диализ үткәрелде, – дигән Кабадайы.
Өметне Акдениз университеты хастаханәсенә 2008 елның августында булган коточкыч юл һәлакәтеннән соң китерәләр. Кабадайы аны хастаханәгә танышының хәлен белергә килгәч күрә. Ханым егетне ике ай дәвамында биредә карый, аннары өенә алып кайта.